Nisma e të Rinjëve për të Drejtat e Njeriut dhe aktivistët e Nisma Ime shënuan ditën kombëtare të personave të pagjetur
Një mur i bardhë, është i vendosur në qendër të qytetit, përballë sheshit “Zahir Pajaziti” si simbol për përkujtimin e kësaj dite kombëtare të personave të pagjetur nga Kosova.
Muri duke simbolizuar mos zbardhjen e fatit të këtyre personave nga qeveritë në pushtet, dhe mos interesimin e këtyre të dytëve për t’i gjetur se ku gjinden trupat e pa jetë të 1819 personave që nga përfundimi i luftës së fundit në Kosovë, synon që kjo çështje shumë e ndjeshme për shoqërinë tonë, të zbardhet sa më shpejtë që është e mundur.
Gjatë ditës të sotme, edhe përfaqësuesit ndërkombëtar në vend, e vizituan ‘murin e të pagjeturve,’ i ashtuquajtur nga e gjithë media në vend. Në këtë monument, sot vendosën lule edhe ambasadori Amerikan në Kosovë, Christopher Dell, ai i Britanisë të Madhe, Ian Cameron Cliff, i Francës, François-Xavier Deniau, përfaqësuesi i ICO-s në Kosovë, Christopher Rowan, dhe gjenerali i përgjithshëm i KFOR-it, Erhard Bühler.
