Korab Krasniqi është menaxher projekti në forumZFD (Forum Ziviler Friedensdienst e.V. | Forum Civil Peace Service) në Prishtinë, Kosovë. Ai është një hulumtues, aktivist i shoqërisë civile dhe avokues i kujtesës, duke u fokusuar në drejtësinë tranzicionale, memorializimin dhe ballafaqimin me të kaluarën. Korabi ka përfunduar studimet Master në Marrëdhënie Ndërkombëtare dhe Diplomaci në Universitetin e Prishtinës dhe ka një diplomë bachelor në psikologji. Ai ka qenë bursist në Dialogun Historik dhe Llogaridhënien në Universitetin e Kolumbisë në Nju Jork dhe ka marrë pjesë në shumë programe lokale dhe ndërkombëtare për adresimin e padrejtësive historike. Aktualisht, ai po ndjek “Shkollën e Politikës 2025” në Institutin për Studime Politike të Prishtinës, PIPS. Përmes hulumtimit, botimeve dhe punës akademike, ai kontribuon në prodhimin e njohurive, duke integruar fotografi, art dhe muzeologji për të nxitur dialogun mbi kujtesën dhe sfidimin e historive.