PROGRAMI I PRAKTIKËS

YIHR KS fton të gjithë të rinjtë/rejat që janë të diplomuar/a nga Fakulteti Juridik, universitetet publike apo private që të aplikojnë për Programin e Praktikës në gjykatat themelore në Kosovë dhe degët e tyre.

Programi i Praktikës zhvillohet në kuadër të projektit “Access to Justice Initiative” që mbështetet nga Departamenti i Shtetit Amerikan – INL dhe ka për qëllim të fuqizojë të rinjtë për të kërkuar drejtësi dhe për t’u bërë pjesëmarrës aktiv në sistemin e drejtesisë në Kosovë.

Pozita: Praktikant/e

Kohëzgjatja: 12 muaj (1 tetor 2024 – 30 Shtator 2025)

Lokacioni: Gjykatat Themelore në Prishtinë, Pejë, Gjakovë, Ferizaj, Gjilan, Mitrovicë, Prizren dhe në degët e tyre.

Lloji i praktikës: Praktikë me kohë të plotë dhe pagesë  

Kriteret dhe kualifikimet:

• Jurist/e i/e diplomuar nga universitetet publike ose private në Kosovë;
• Aftësi profesionale të komunikimit dhe shkrimit në gjuhën shqipe (njohja e gjuhës angleze ose serbe është përparësi);
• Njohuri sa i përket procedurave ligjore dhe aftësi në përpilim të dokumenteve ligjore;
• Shkathtësi bazike të përdorimit të kompjuterit dhe të programeve Word, Powerpoint dhe Excel;
• Aftësi dhe gatishmëri për të punuar në mënyrë të pavarur dhe në një ambient dinamik të punës;
• Posedimi i dokumenteve të identifikimit dhe llogari bankare;
• Përparësi do të kenë aplikuesit/et të cilët nuk kanë përvojë praktikë të mëhershme në ndonjë  gjykatë;

Inkurajohen të aplikojnë grupet e margjinalizuara në Kosovë.

Detyrat kryesore:

• Ofrimi i mbështetjes profesionale për gjyqtarët dhe personelin e gjykatës përkatëse; 
• Asistimi në detyra të ndryshme sipas nevojës së gjykatës;
• Identifikimi i shkeljeve të të drejtave të njeriut dhe raportimi i tyre;
• Raportimi tek YIHR KS në baza mujore dhe tek personeli i gjykatës sipas nevojës.

Për të aplikuar dërgoni dokumentet e mëposhtme:

• CV-në (max. 2 faqe);
• Letrën motivuese (max. 500 fjalë);
• Transkriptën e notave (të shkarkuar nga SEMS-i).

Të gjitha aplikacionet duhet të dorëzohen në formë elektronike në emailin jobs@yihr.org deri më 15 shtator 2024 në ora 17:00, me subjektin “Aplikim për Programin e Praktikës 2024”. 

Vetëm kandidatët/et e suksesshëm/me do të njoftohen për intervistë.